شباب البيضاء (جامعة عمر المختار)
عزيزي الزائر / عزيزتي الزائرة
يرجي التكرم بتسجيل الدخول اذا كنت عضواً معنا
او التسجيل اذا لم تكن عضو وترغب في الانضمام الي اسرة المنتدى
سنتشرف بتسجيلك

شكراً
الادارة


عـــلـــم .. وتعـــــارف .. وهــــدرزه .. وفــســـــتــري
 
الرئيسيةاليوميةس .و .جبحـثالتسجيلدخول
التوقيت المحلي لمدينة البيضاء

flat fee mls
المواضيع الأخيرة
» السلام عليكم -- بيع سيارة
الجمعة أكتوبر 24, 2014 1:09 pm من طرف عيسى مفتاح

» السلام عليكم
الجمعة أكتوبر 24, 2014 1:01 pm من طرف عيسى مفتاح

» السلام عليكم انا جديد معاكم هل من ترحيب ^^
الأحد أغسطس 03, 2014 4:09 pm من طرف عمران المغوارى

» غناوي علم وشتاوي ع العقل والخاطر ادخل وزيد من عندك
الجمعة أغسطس 01, 2014 10:19 pm من طرف عمران المغوارى

» ع لوهام ...اقرب جاى العين اتريدك
الجمعة أغسطس 01, 2014 10:15 pm من طرف عمران المغوارى

» غناوى عالفقد ... ادخل وزيد من عندك
الجمعة أغسطس 01, 2014 10:12 pm من طرف عمران المغوارى

» غناوي علم وشتاوي اتصدق
الجمعة أغسطس 01, 2014 10:04 pm من طرف عمران المغوارى

» غناوي علم وشتاوي اتصدق
الجمعة أغسطس 01, 2014 9:59 pm من طرف عمران المغوارى

» من وحي الماضي // نذكر في هالهويده ....
الخميس يوليو 31, 2014 11:03 am من طرف عمران المغوارى

بحـث
 
 

نتائج البحث
 
Rechercher بحث متقدم
أفضل 10 أعضاء في هذا المنتدى
عيون البحر
 
الرحال2012
 
عاشق البيضاء
 
حفيدة المختار
 
أثينا
 
سنفوره
 
ليبي حر
 
عاشقة الجبل
 
البيضاوي
 
بنت البيضاء
 

شاطر | 
 

 اعراس عرب البيضاء

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
البيضاوي

avatar

عدد المساهمات : 61
تاريخ التسجيل : 24/09/2010
العمر : 28

مُساهمةموضوع: اعراس عرب البيضاء   السبت أكتوبر 02, 2010 12:28 pm


أعراس جماعة البيضاء

تقاليدنا - عاداتنا - حضارتنا
الأسبوع قبل العرس حلويات وغيطة ما هنا بكل اكوش ولعات وطواجين ودرابيك مالجنب
أسبوع العرس
(طبعا من يوم)
السبت
يعلقوا الأسراب( الضوايا )عالحوش ويشربوا شاهي وكعك وديس فالشارع وسيارات زحمة
الأحد
مكسدين نفس الشي فالشارع وشاهي وكعك عالق لعند أخر يوم
تلبيس الشقة
العروس اقريب اتجيب حوش هلها كلا
كان مش 3 كناتر اشوية
1- الصالون والفرشة وتوابعة(دار المقعد)
2-دبش المطبخ كامل احتمال السنة الجاية يجيبن حتى الخضرة
3- حتى الحمام يجيبولا في فرش وتحف ودواليب شوفوا جوكم
الاثنين
مرات عندهم حنة جو غيطة وسيارات يبوا يمشوا لهل العروس طبعا العروس ملفوفة في جرد في عز الصيف والعة فيها نار وعلى حسب لون الجرد مرات احمر ومرات بودري
ايشوفوا هل العروس ويروحوا طبعا غيطة غادي
هل العروس يغنوا
(يا مبروك عليك الحنة درتي حوش اتجينا منه)
والعزايز واخدات تركينة وعلم قالب الدنيا ما عاد ايكملن بكل
بعدها يروحوا بيب بيب
الثلاثاء
(السياق) المصرف
اينوضوا بدري يا فتاح يا عليم مالساعة سبعة شور سوق الخضرة ايجيبوا الخضرة ومعدات التنظيف مالأخير كان عريس امورق ايجيب السوق كله وكان راقد ريح الله غالب عليه ايجيب ربطة كسبر وربطة معدنوس وسياقة في سيارة ومكنسة فالسيارة الأخرى
وطشة بصل وكيلوين طماطم ايتفتف من هنا ومن هنا
يملوهن كلهن فالسيارات امعاهن عرم عزايز عالجو مرات عزوزين ثلاثة
أنسيت حاجة مهمة امعا هذا كله جماااااااااااااااااال ولا عجاااااااااااااااااااااال والا خرفاااااااااان "حوالة"( عليك شعب مفتري ) قاعد في سيارة ابروحة طبعا
يمشوا بيهن شور العروس ينزلن العزايز ويبدن فيها
العزوز الأولى
(عمري ما بركت أجمالي غير ع اللي قدره عالي)
وراها العزوز الأخرى
(مش ساهل تبريك جملنا غير على اللي يستاهلنا)
واتنوض من غادي العزوز الأخرى
(يا مبروك عليه جهازه واخد من عيلة ممتازة)
المهم يقعدن ايمنن عليهم بالجمل ويفوتوا العريس ما يغنوا عليه بكل اتقول اللي منجوز جمل
طبعا أكيد هل العروس دايرين فطور لهل العريس
لكن على حسب كان هل العروس عندهم ذوق ايديروا حاجة كويسة طبيخة (قلايا) (كبدة وجو)ع الصبح يا فتاح
وكان عاد هم من يالا ايديروا اشوية تن وحلوة معجونة مع إنهن مش شور بعضهن بكل
يسمطوهن هل العريس ويروحوا
بيب بيب بيب
الأربعاء
(الرمي) اللي هوا يمشوا ايشيلوا الكسوة للعروس وحنة ودنيا حايسة
طبعا العروس لابسة فيلو فالكوشة ومسرح وجو مش عادي
وناس جاية للعرس
بعد اشوية ايجوا هل العريس بيب بيب بيب
ايشوفوا العروس وايروحوا واتحنيها أم العريس
اتنوض عزوز مالجنب اتقول
(هالعزوز اللي حناتك حطيها بين اعويناتك)
ايلبسوا العروس العقد وايغنوا احذاها اشوية ومرات في طحنة بين هل العريس والعروس فالغنا
بعدها ايروحوا هل العريس
الخميس
اليوم العالمي عند هل العريس خيم وعشاء رجالة وشاهي
وطاولات في مسرح الصبايا وكوشة جو جو
ايجوا المعازيم بعد المغرب للعرس واتجي العروس مع الساعة 9 ولا 9 ونص على حسب الجو
ومرات يخش العريس وايجيبوله تورتة ياكل هو والعروس
معا خشة العريس ايغنوا مالجنب ايقولوا
(ماشاء الله عليك عريس اتقول فرنسي من باريس)
ما اتعدلوش عليها واجد الأغنية أصلا مرات العريس يفجع وهم ايشوفوا فيه سمح!!
وأغنية وحدة أخرى
(بارك للسلطان تهنى جابوله نقراش الحنة)
بعد قعمز العريس وياكل التورتة هو وعروسته
اتنوض عزوز مالجنب اتقول
(واسطة يا واسطة واحد ياكل واحد لا)

بعدها العريس ياخد عروسته شور حوش

بعدها ايروحوا الناس كلهم
الجمعة
اختصروا بدال الأسبوع بعد سبعة أيام
خلوه يوم الجمعة
يعني يوم الجمعة أسبوع عند هل العريس
دايرين العشاء كسكسوا ومشروب وامصير ومخلل وبوريك ومبطن ....الخ
تلبس العروس عربي (محزمة)مرات طرابلسي ومرات شرقاوي التحزيم عالجو

وامعاه ذهب من فوق لتحت عقد ونبيلة ...الخ
تقعمز فالمسرح والعريس بره معا الرجالة لابس عربي حتى هوا,, مش (محزم) هههههه
جلابية وكاط (سورية زبدة)على قولتهم
وامقمعز في الخيمة معا أصحابه وأحبابه
بعدها ايجوا هل العروس ايجيبوا حلويات وموالح ايوزعوهن ع الناس وبعدها أيفض العرس وكل واحد في حاله
وكان العروس عندها ذوق أتجيب حاجة كويسة لخوات الراجل وأمه وكان من يالا أتجيب ساعات أي حاجة!!

طبعا العرس كمل!!!!
عقبالكم كلكم إن شاء الله
الرجوع الى أعلى الصفحة اذهب الى الأسفل
ابن الجبل



عدد المساهمات : 10
تاريخ التسجيل : 03/10/2010
العمر : 32
الموقع : في ربوع الجبل
المزاج : مبسوط

مُساهمةموضوع: رد: اعراس عرب البيضاء   الأحد أكتوبر 03, 2010 1:21 am

انا انكملك القصه
بعد عدة اشهر
لقيت العرسان في المحكمه
مش عارف شن يبو
منور بكل يامان lol!
الرجوع الى أعلى الصفحة اذهب الى الأسفل
عاشقة الجبل

avatar

عدد المساهمات : 64
تاريخ التسجيل : 23/09/2010
العمر : 27

مُساهمةموضوع: رد: اعراس عرب البيضاء   الأحد أكتوبر 03, 2010 2:35 pm

هههههههههه

والله صدقت يا ابن الجبل


شكرا يا بيضاوي على الشرح

لان والله في حاجات مش فاهمتهن

_________________
الرجوع الى أعلى الصفحة اذهب الى الأسفل
حبوب البيضاء

avatar

عدد المساهمات : 4
تاريخ التسجيل : 04/10/2010

مُساهمةموضوع: رد: اعراس عرب البيضاء   الإثنين أكتوبر 04, 2010 9:07 pm

العزوز الأولى
(عمري ما بركت أجمالي غير ع اللي قدره عالي)
وراها العزوز الأخرى

(مش ساهل تبريك جملنا غير على اللي يستاهلنا)
واتنوض من غادي العزوز الأخرى

(يا مبروك عليه جهازه واخد من عيلة ممتازة)

هضا جو الاعراس بعدين بعد ما يكمل العرس ايجي العريس يلقى روحا غارق في الدين------------مشكور بيضاوي
الرجوع الى أعلى الصفحة اذهب الى الأسفل
البيضاوي

avatar

عدد المساهمات : 61
تاريخ التسجيل : 24/09/2010
العمر : 28

مُساهمةموضوع: رد: اعراس عرب البيضاء   الإثنين أكتوبر 04, 2010 9:47 pm

ابن الجبل

عاشقة الجبل

حبوب البيضاء

نورتوا موضوعي المتواضع


ابن الجبل العرسان كانوا فى المحكمةيدهوروا غادي
tongue

ومنور حبوب البيضاء على الزيادة

وانحس فيك عندك مواضيع مشوقه
الرجوع الى أعلى الصفحة اذهب الى الأسفل
حفيدة المختار

avatar

عدد المساهمات : 194
تاريخ التسجيل : 03/08/2011
العمر : 23
الموقع : الجبل الاخضر
المزاج : حززين

مُساهمةموضوع: رد: اعراس عرب البيضاء   الخميس أغسطس 04, 2011 6:47 pm

والله شكلك كاسر وذنك عند الصبايا Wink شني عرفك شن ايغنن يا شاطرRazz

ومنور بكل والله الموضوع صقع صقع صقع نين لفيت روحي في بطنيه هههههههههههههه

Very Happy Very Happy Very Happy Very Happy

منور يا صقعsunny

_________________
[size=21]
اني اؤمن بحقي في الحريه
وحق بلادي في الحياه
وهذا الايمان اقوى من كل سلاح

" الله يرحم شباب ابلادي "
[/size]
الرجوع الى أعلى الصفحة اذهب الى الأسفل
ليبي حر

avatar

عدد المساهمات : 104
تاريخ التسجيل : 18/09/2010
العمر : 31
المزاج : free

مُساهمةموضوع: رد: اعراس عرب البيضاء   الجمعة أغسطس 05, 2011 12:26 am

هههههههههههههههههههههههههههه



والله صدقتي يا حفيدة المختار

_________________



قف حتى أراك
الرجوع الى أعلى الصفحة اذهب الى الأسفل
عيون البحر

avatar

عدد المساهمات : 350
تاريخ التسجيل : 05/09/2011
العمر : 25
الموقع : البيضاء
المزاج : هادئ

مُساهمةموضوع: رد: اعراس عرب البيضاء   الثلاثاء سبتمبر 06, 2011 9:27 am

وانا انقول ليش البنات عنزن وحتي الشباب سبب مارت ايكون من الي ما عندش امكانيه
ومارت ايكون عادت وتقاليد امنورررررررررررررررررررررررررر Laughing Laughing Laughing Rolling Eyes

_________________
نحن لانستلم نتصر او نموت
الرجوع الى أعلى الصفحة اذهب الى الأسفل
زهرة***البيضاء

avatar

عدد المساهمات : 33
تاريخ التسجيل : 20/09/2011
العمر : 21
المزاج : متقلب

مُساهمةموضوع: رد: اعراس عرب البيضاء   السبت سبتمبر 24, 2011 12:59 pm

ههههههههههههههههههه
منور على الموضوع روووووووعه
الرجوع الى أعلى الصفحة اذهب الى الأسفل
juma



عدد المساهمات : 46
تاريخ التسجيل : 25/10/2010
العمر : 38

مُساهمةموضوع: رد: اعراس عرب البيضاء   الأحد أكتوبر 09, 2011 7:29 am

وتقولوا ما نبو شئ غير تعالي ....... توا انجي بعد ما تتوفر التغطية المالية
الرجوع الى أعلى الصفحة اذهب الى الأسفل
 
اعراس عرب البيضاء
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شباب البيضاء (جامعة عمر المختار) :: المنتديات العامة :: المنتدي العام-
انتقل الى: